✓ Presentasyon: Idinisenyo upang manghikayat ng desisyon o aksyon mula
sa awdiyens.
3. Konteksto (Context)
Ang konteksto ay tumutukoy sa sitwasyon at kapaligirang kinapalolooban ng
komunikasyon. Kasama rito ang antas ng pormalidad, kultura ng organisasyon, at
midyum na ginagamit (harapan, teleconferencing, email, atbp.).
Halimbawa:
✓ Sa isang emergency meeting, ang komunikasyon ay kadalasang mabilis,
diretso, at nakatuon sa paglutas ng problema. Ang mensahe ay kailangang
malinaw, maiksi, at tumpak upang mabilis itong maunawaan at
maisakatuparan ang solusyon.
Sa pangkalahatan, ang masusing pagsusuri sa awdiyens, layon, at konteksto ay
pundasyon sa pagtukoy kung paano tatahakin ang wika, tono, at estruktura ng
mensahe. Sa ganitong paraan, nagkakaroon ng mabisang komunikasyon sa anomang
propesyonal na kalagayan.
GABAY SA EPEKTIBONG PAGSULAT NG MENSAHE SA TRABAHO
Upang maging malinaw at maayos ang komunikasyon sa opisina, mahalagang isaalang-
alang ang nilalaman, estruktura, at wika ng mensahe. Narito ang mga gabay:
1. Nilalaman
• Ituon lamang ang impormasyon na makatutulong sa layunin ng mensahe.
• Isama ang mga kongkretong detalye tulad ng oras, petsa, tungkulin, at
deadline upang malinaw ang inaasahang aksyon.
2. Estruktura
• Pormal na mensahe: Simulan sa paksa at bati, ipaliwanag ang layunin, ilahad
ang mahahalagang detalye, magbigay ng panawagan sa aksyon, at tapusin nang
maayos.
• Di-pormal na mensahe: Simulan sa bati, ilahad ang pangunahing punto,
ipahayag ang tiyak na kahilingan, at magtapos sa pasasalamat.
3. Wika
• Gumamit ng malinaw at eksaktong pahayag.
✓ Halimbawa: “Bago mag-Martes, 3:00 ng hapon.”
• Gumamit ng tamang titulo o posisyon kapag tumutukoy sa tagatanggap.
✓ Halimbawa: “Manager Cruz, pakiusap na aprubahan ang revised budget
para sa proyekto bago mag-Biyernes.”
• Panatilihing magalang at propesyonal
✓ Halimbawa: “mangyaring,” “salamat po,” o “pakiusap”
• Iwasan ang malabong pahayag
✓ Halimbawa: “agad-agad” o “sa lalong madaling panahon.”
